¿Para cando unha rede Wifi ou Wimax para O Páramo ?

AOP-nova nº 519. Ben merecido o teñen no Courel para a implantación da primeira rede Wimax por parte da Xunta co proceso de despoboamento que sofre , desertización e illamento .
O Páramo , ainda que estándo a tan só 25 minutos en coche de Lugo necesita tamén unha nova infrastructura como o Wimax e comparativamente salvando a distancia en minutos a Lugo temos as mesmas dificultades de acceso que eles .
Xamais ninguén imaxinou que no ano 2006 seríamos o segundo concello de Galicia con máis Blogs por cada mil habitantes e que hoxe moita da xente que navega pola rede supera os 45 anos e gran parte desas persoas acceden a A.O.P e pegan cousas na rede e ademais son do Páramo !
O que non sabe a maioría é que o Concello ten a chave nas súas maos para ofertar un Internet de calidade ( de banda ancha ) coa súa propia infrastructura a través de Wifi ou quizais xa de Wimax sen esperar pola Xunta nin polo Estado , ( e o que é millor non depender de Telefónica !)
¿ Cales son as solucións que ten un particular paramés que necesite a rede para o seu negocio hoxe no Páramo ?
1 Alugar un piso en Lugo ou en Sarria ?
2 Pagar a maiores dos 300 euros de aluguer outros 60 por conexión a R ?
3. Pagar os 60 euros mensuais de transporte en coche ?
4. Conectarse ó internet de subida e baixada via satellite por 300 euros ó mes ?
Como vemos ainda sae máis caro irse para Lugo ! e o que aluga Piso en Lugo acostuma a facer vida por alí !.
Polo tanto as infrastructuras necesitámolas tod@s ! e necesitámolas Xa ! non só os de Madrid e Barcelona e o Caurel ! Tamén nós os que queremos vivir sempre aquí No Páramo !

(+pincha) para ver a nova da rede Wimax no Caurel
(+pincha) web galega da Sociedade da Información