Puxenme triste (98)

Puxenme triste
pensando na area,
na area da praia.

Puxenme triste,
roupas molladas,
antigas lembranzas,
recordo frío, escuro,
borroso e tristento.
Futuro incerto,
terras soas, imposibles.

Puxenme triste
pensando nos anos
de doce xogar,
nos algarrubios que se foron
para sempre xa.
Nas doces miradas,
na calor do corpo humán.
Agarimos pasados,
amor de nai.

Puxenme triste
pensando en todo saber,
onde irá parar.
O afecto, o cariño,
aloumiños do fogar.
Os doces recordos,
o paso dos anos, seguido,
sen mirar atrás.

Puxenme triste
pensando na area,
na area da praia,
no sol na lúa,
nos que xa non están,
nos que non voltarán.

Onde os recordos,
onde estarán?
Recordos que eu fago
coa vida o pasar.